Këngëtarja shqiptaro-amerikane Bebe Rexha ka tërhequr vëmendjen në edicionin e sivjetmë të NRJ Music Awards, të mbajtur të premten mbrëma në Francë, ku u shfaq me një fustan elegant të zi dhe performoi hitin e saj “New Religion”.

Artistja u paraqit me stil në tapetin e kuq, për t’u ngjitur më pas në skenë me një performancë energjike para publikut francez.

“New Religion” është kënga e parë zyrtare nga albumi i saj i katërt në studio, “Dirty Blonde”, i publikuar këtë vit, ndërsa ndërthur tingujt dance me elemente të muzikës së grupit legjendar Faithless.

Bebe Rexha ishte gjithashtu në garë për çmimin “Artistja më e mirë ndërkombëtare”, në ceremoninë që mblodhi emra të njohur të muzikës botërore.

Burimi origjinal

Ky tekst publikohet nga Redaksia e Raporti Sot me leje/licencë. Burimi origjinal është i lidhur më sipër.